الشماعة

رغم اني مكنتش عايز اعلق على مقتل النائب العام لكن اللي شفتة لازم يخلي الواحد يتكلم وحاجات غريبة حصلت تخلى الواحد وهي
-الحادث اشبة بتفجير سيارة الحريري واللي خلاني اخد بالى منها وائل عباس لما رفع صور مقارنة بين الحادثين
-أن المفروض أن سيارة المسؤلين في مصر أنها مصفحة وأي سيارة مصفحة بيبقى فيها جهاز مشفر مهمتة التنبؤ بالقنابل ومعنى أن السيارة توصل لمكان  القنبلة بدون تنبؤ إذا حد فك الشفرة بتاع الجهاز
-أحداث تفجير متتالية في أكثر من دولة في وقت متقارب بالتزامن مع إعلان تنظيم الدولة عن غزوة رمضان
-تأمين النائب كان اي كلام بشهادة الجيران
كل دا يخليني اقول ازاي كل دا فبلد المفروض أن نظامها الزفت بيقول انة بيحارب الإرهاب وأن مصر بلد الأمن والأمان
-الغريب بقا ان السائق خرج من العربية اللي مفشوخة سليم مافهوش خدش
-الأغرب بقا ان هشام نفسة نزل منها سليم وقال للسواق وديني المستشفى العالمي والسواق وداة النزهة لضيق الوقت وهناك مات طب ازاي
دا غير توزيع الاتهامات على الإخوان بدون دليل لمجرد استباحة الدم
وطبعا بعض الناس اللي بتقول ان النظام اللي عمل كدا عشان يقتل شوية وبرضو بدون دليل
في كل الحالات يبقى اللي لازم يتحاكم هو النظام نفسة على تقصيرة في توفير الحماية والأمن سواء للمسؤل والمواطن اللي مات بالحادث ومحدش افتكرة بالترحم علية
أخيرا بقا الشماتة اللي الإخوان قرفنا بيها على السوشيال ميديا وردهم القذر ما العبيد كان بيشمتوا فينا فرابعة أيوة دا مبرر يعني أنك تبقى كلب زيهم
الحقيقة أن العبيد زي الخرفان الاثنين بيشمتوا فبعض مع أن الدم كلة حرام والاثنين بيتبادلوا الاتهامات دون دليل
قال تعالى (قل هاتوا برهانكم أن كنتم صادقون)
والاثنين مش بيعجبهم كلامنا لما نرفض الدم طالما برفضة لعدوة
صحيح أنا ضد العسكر بس ضد الإخوان لكن زي مابرفض قتل وظلم الإخوان ارفض قتل اي حد برضة وصحيح أنا بتمنى اعدام النائب العام زي مابتمني  اعدام العرص لكن برضة عايز أعدم مرسى وقيادات الإخوان اللي باركوا هدر دمنا أيام المجلس العسكري وكمان فوقت مرسى مات أكثر من 400 واحد
وعايز أعدم طنطاوى ومبارك وانظمتهم كلهم لكن دا كلة يتم بالعدل وبمحاكمات ثورية بقانون ثوري مش بقانون الدولة الظالمة
دا العدل لكن القتل بطريقة زي دي لا  لأن ببساطة مات ناس مالهاش ذنب حتى اللي ماتوا من الحراسة ما يمكن يكون فيهم عسكري تجنيدة جة فالمكان دا وهو رافض النظام دا غير الأضرار بممتلكات خاصة وترهيب اخواتك فالله والوطن
لكن الشماتة فالدم حرام لأن الدم كلة حرام إلا بالقصاص والعدل مش بالإرهاب حتى لو مش انت الفاعل
وعايز تعرف مين اللي عملها شوف مين اللي لة مصلحة مثلا يعني النظام بيناقش قانون الارهاب اللي عايزين يقروة بقالهم فترة دا غير قانون عدم استماع الشهود النفي  وإلغاء النقض في المحاكمات عشان يحكموا براحتهم على المعتقلين بدون شهود نفى ونقض
ويتم قتل واعتقال وتصفية شوية ناس ويضغط بيهم على الإخوان عشان تبقى ورقة قصاد ورقة ضغط الإخوان اللي هية المظاهرات ويحاولوا يعملوا دييل ينتهي لية الحوارات دي كعادة العسكر والاخوان