كدبة تخفيف الاحمال
اكتشفت مؤخراً لانى الحمدلله مش بتفرج على تلفزيون ان القنوات المعرضة للعكسر عاملة حاجة اسمها مؤشر تخفيف الاحمال لا وكل شوية يجيبوا واحد لطخ يقول بمشاركتكم بتخفيف الاحمال الكهربا مش هاتقطع
الكدب الاعلامى وصل لدرجة انهم مش بيقولوا حاجة صدق
وبالبلدى كدا هو لو انت بتقبض الف جنية ومصاريف الاكل والاحتياجات الاساسية والشرب تتعدى الف جنية هاترشد ازاى هاتبطل اكل وشرب ولا بدل ماتاكل مرتين فاليوم هاتاكل مرة
المشكلة اكبر من كدة المشكلة ان مصر بتحتاج ٤جيجا واط استخدام محلى والسد مش بننتج غير ٢ جيجا والباقى كان بيتم انتاجة من محطات توليد بتستخدم الغاز او المازوت اللى بيبوظ المحطات والمواسير ويخليها تتاكل بسرعة وممكن يستخدم الفحم لكن بطريقة سليمة عشان مايأزيش البيقة الخربانة اصلاً
ورغم اننا دولة مصدرة للغاز لكن عندنا عجز فالغاز بسبب اتفاقيات قديمة من ايام مبارك مع دول اوروبية واسرائيل لتصدير الغاز بسعر دولار ونص بدون زيادة مع الاسعار العالمية ودى لوحدها خيانة للامانة
المشكلة اننا بنستورد متر الغاز بسبعة دولار عشان نصدرة بدولار ونص عشان نقدر نوفى العقود القذرة دى ولسة العمولات بتروح لحد دلوقت لحسين سالم ومبارك فى حساباتهم على كل متر يتم تصديرة
يعنى خسارة من كل جهة
وطبعاً مش عندنا اى كميات غاز او مازوت او فحم نكمل انتاج الكهرباء دا غير ان العقود المفروض تبقى فالصيف لكنهم انشغلوا فى القتل والاعتقال فمالحقوش يعملوا التعاقدات فالازمة على اشدها للسنة الجاية
طبعاً كدا مهما تخفف احمال اصلاً مش هاتعمل حاجة لان الطاقة المنتجة اقل من نصف الطاقة المستهلكة
بس مين يفهم من شعب معرص
ليست هناك تعليقات:
إرسال تعليق
شكراً لتعليقكم